بطارية الهاتف جزء مهم جداً يجب الحفاظ عليه,لانه هوا مولد الطاقه اللى بيخليك تقدر تشغل الجهاز باستمرار,اي مشكلة فى البطارية هتمنعك من التمتع بمميزات جهازك بشكل كامل بسبب اما ان الهاتف لن يعمل او البطارية هتنف منك بصورة سريعه جداً,علشان كدا هنناقش فى المقالة دي اهم الحاجات اللى المفروض تعملها عشان تحافظ على بطارية الموبايل بتاعك,وكمان اي الحاجات اللى تتجنبها اثناء استخدامك للهاتف علشان تضمن سلامة البطارية لاطول وقت,وافضل طريقة لشحن الهاتف للحفاظ على كفائة Battery.
اهم النصائح او الطرق اللى ممكن تعملها وتبتعد عن العادات اللى تخلى بطارية موبايلك تقل كفائتها فى وقت قليل ...طبعا اى حاجه ليها عمرها الافتراضى .. فطبيعي ان كفاءة البطاريه تقل مع الاستخدام و الوقت ولكن ايه هيا طرق المحافظه على بطاريتك ...
طرق إطالة عمر البطارية ومدة استمرارها لأقصى حد
- لاتترك الهاتف على الشحن وتنام.
- اشحن موبايلك على فترات.
- لاتستخدم هاتفك اثناء الشحن.
- نوع الباور بانك الخاص بك.
- استخدم هاتفك بتوازن.
- وضع توفير الطاقة.
أفضل نسبة لشحن بطارية الهاتف ؟
تعتبر افضل طريقه لشحن هاتفك هي شحنه على فترات,فدائماً تجنب وضع الهاتف على الشحن لساعات كثيرة,ولكن اذا كان هاتفك 20-15% قم بشحنه الى 80-90% واستخدمه بصورة عاديه الى ان تصبح نسبة الشحن 15% مرة آخري,اذا كانت بطاريتك 60 او 70% فى الليل,فلا يوجد اي داعي لترك البطارية على الشحن طول الليل حتي يكمل 100% عندما يأتي الصباح.
1- لا تترك الهاتف على الشحن وتنام
نقطه مهمه جدا فى المحافظه على بطاريتك انك متسبهاش على الشحن كثير جدا من دون لازمه لان دا بيأثر على البطاريه ... والبطاريات حاليا كفائتها اعلى وتقدر تقعد معاك..
2- اشحن موبايلك على فترات
الطريقه دي احسن انك تشحن موبايلك ما بين فترات احسن ما تخليه ينزل خالص لحد ما يوصل لــ 10 او اقل من نسبه الشحن بمعنى انك تشحن موبايلك لما يقرب يوصل لـ 15 او حتي 20 وميفضلش انك تشحنه لحد 100 % وصله لحد 95 او 94 اي حاجه على حسب راحتك.
3- لا تستخدم الموبايل اثناء الشحن.
لعب الالعاب والتليفون على الشحن او استخدامه بيضر بالبطارية فحاول متستخدمش الجهاز بشكل مكثف وانت بتشحنه
4- نوع الباور بانك قد يؤثر عمر بطارية هاتفك
لو انت من الناس اللى بتستخدم باور بانك لازم تشتري باوربانك كويس ومن شركه مضمونه لان الانواع السيئه ممكن يأثر على بطاريه موبايل.
5- استخدم الموبايل بتوازن لإطالة عمر البطارية.
وهنا اقصد انك متفتحش تطبيقات وتسيبها مفتوحه فى الخلفيه انت مش محتاجها مثلا او انتهيت منها متسبش مثلا الواي فاى مفتوح وانت مش محتاجه حاليا او البلوتوث او اي شيء من دا الحاجات دي بتخلص البطاريه فى وقت اسرع طبعا وانت مش محتاجها .. برضوا اضاءة التليفون لان الشاشة بتستهلك طاقه كثيرة .. يعنى حاول تخلي الاضاءة مناسبه ليك مش مرتفعه دايما ..
6- وضع توفير الطاقه للحفاظ على بطارية هاتفك
وضع توفير الطاقه بقا وضع متواجد فى كل الاجهزة تقريبا .. وضع كويس هيساحدك فى انك تزود طول المده اللى الشحنه الواحده ممكن تقعدها .. الطريقه المثالية لشحن موبايلك بتكون انك تشحن الهاتف مثلا الصباح الباكر او اما ترجع من الشغل فلما تنام يكون الموبايل 80 او 70 % لو شايف فى الصباح انك محتاج تشحنه 20% كمان مثلا
تعاني من مشكلة انخفاض النسبة بسرعة والشحن الوهمي، اطلع على الموضوع التالي الذي يقدم لك الحلول "الشحن الوهمي و نفاذ البطارية بسرعة".
عادى ممكن تشحنه , لكن الافراط فى وضع الموبايل على الشحن مش كويس ..كل دى نصائح هتساعدك انك تزود العمر الافتراضى وعدد مرات الاستخدام للبطارية.
وصلنا الى نهاية المقالة بعد استعراض اهم النصائح من أجل الحفاظ على بطارية الهاتف لاطول فترة ممكنة و منع تلفها ، تابعنا على فيسبوك وتويتر ، دمتم بخير♥.
