اي هيا الحلول و طريقة التعامل مع مشكلة بطء الانترنت .. واحده من اكثر الحاجات اللى ممكن تعصبك و تستفزك حالياَ على كوكب الارض هيا بطىء الانترنت. واستخدام انترنت بطىء .. فالنهاردة فى المقال هنكلم عن طريقة التعامل مع الوضع دا واي هيا الحلول المحتملة اللى ممكن تعملها .
يوجد اسباب كثيرة تؤدي الى بطىء الانترنت وتحميل الصفحات,قد يكون السبب الرئيسي هو انتهاء الباقة الخاصه بك بمعني انتهاء الجيجات المحدده لك فى حالة اشتراكك فى باقة محدودة,او قد تكون مشكلة بالراوتر نفسه,ايضاً قد تحدث مشكلة فى الوصلات الخاصه بسلوك الخط الارضي اذا كانت الانترنت الخاص بك عبارة عن انترنت منزلي Land line فوجود اي وصلات بطريقه خاطئة تؤثر بشكل مباشرة على استقرار الانترنت لديك.
طريقة حل مشكلة بطئ النت من الراوتر.
يوجد اسباب كثيرة قد تؤدي الى بطىء الانترنت سواء فى المنزل او على الموبايل, فى الفقرات التالية سنستعرض مجموعة من النصائح و الخطوات التي يجب عليك اتباعها للتأكد من الخدمة و لمعرفة هل المشكلة من الاجهزة الموجوده لديك سواء الراوتر او التوصيلات ام من مزود الخدمة نفسه ففي بعض الاوقات قد تحصل على سرعة أقل بكثير من المتوقع والمتعاقد عليها.
اولاً:اختبار تحديد سرعة .
لازم لما تشترك على باقة انترنت ارضي .. من اي شركة تعرف اذا كان بيوصلك حقك ولا لا يعنى السرعه اللى انت اشتركت عليها ولا لا .. ودا بيتم عن طريق انك تعمل اختبار تحديد سرعة الانترنت وتقارنه مع الخطه الاساسيه ليك اللى انت اشتركت فيها لما قدمت على خدمه الانترنت المنزلي.
وممكن تعمل اختبار تحديد سرعة الانترنت عن طريق مواقع وتطبيقات كثير :
ثانياً:اعد تشغيل الروتر .
طبعا بمجرد ان اقولك اقفل الورتر وافتحه ثاني ممكن تتعصب اكثر لانك فى الغالب ممكن تبقي عملت كدا مليون مره .. ولكن دا للتذكير فى حاله ان الانترنت عندك بطيء فممكن تجرب تعمل اعاده تشغيل للخدمه بشكل سريع ..
ثالثاً: وقت مخصص للروتر.
اقصد هنا بوقت مخصص للروتر . ان تخلي فى فتره تقفل فيها الروتر لو انت مش محتاجه .. يعنى كنوع من الهدنه ودا مش شىء لازم بصورة يوميه .. لا بس يفضل انك تعمل كدا على حسب ظروفك وظروف شغلك على الانترنت.
رابعا:تأكد من الوصلات للنت.
يفضل دايما تجنب التوصيلات اليديوية فى السلوك الخاصه بالانترنت لانها ممكن او فى الاغلب هتسبب ليك مشاكل من عدم استقرار فى الخدمه او غيرها .. بالرغم من انك ممكن تبقي موصل سلك يدوي وشغال تمام ولكن لا يفضل انك تكثر او تستخدم التوصيلات دي .. وتأكد دايما من سلامة السلوك وايضا ال Splitter اللى بتدخل فيه سلك الحرارة ويطلعلك سلكين واحد للراوتر وواحد للتليفون الارضي ..
فلازم تتأكد ان السلوك تمام ومفيش اي مشاكل فى التوصيلات او اي جزء منها لان دا ممكن يأثر على الانترنت واستقراره بشكل كبير .
خامساً:استخدام ذكي للانترنت.
دايماَ خليك ذكي فى استخدامك للانترنت خاصة مع الباقات المحدودة اللى معظمنا شغال عليها حاليا ً .. فمثلا لو باقتك 100 جيجا حاول متخليش استهلاكك كثير وتخلي الباقة تكفيك الشهر كامل .. وممكن من احدي الطرق اللى تساعدك فى كدا انك تحدد سرعة النت من الراوتر لو انت مشترك فى باقة بسرعه كبيرة وبتستهلك الانترنت بسرعة .. وممكن تقلل من التحميلات الكثير وتأجلها لاخر الشهر مثلا..
سادساً:اتصل بخدمة العملاء.
لو عندك مشكله فى ان سرعتك اقل من باقتك مثلا .. وانت مشترك جديد فلازم تتصل على مزود الخدمه الخاص بيك وتقوله ان سرعة الانترنت عندك بطيئه ... ونفس الحالة لو عندك مشكلة مع اي توصيلات او سلوك خاصة بالشركة فتقدر تتصل بمزود الخدمه ويبعتلك فني خاص باصلاح المشاكل فى خلال 24 او 48 ساعة وهوا يساعدك فى حل المشاكل دي .
-ايضاً تقدر تطلب من الشركه مثلا باقات اضافيه لو انت شغال على باقة محدودة او حتى انك تجدد الباقه من الاول اذا كان الشيء دا متاح من مزود الخدمه الخاص بيك او لا ..
سابعاً:الاجهزة الثانوية وتطبيقات الخلفية.
من الاسباب لبطىء الانترنت هيا توصيل اجهزة كثير ممكن تكون ثانوية انت مش محتاجها .. وايضا تطبيقات تعمل فى الخلفية وممكن تستهلك انترنت عادي وتنزل تحديثات ودا بيسبب بطيء فى خدمه الانترنت .. فالمفروض تقفل البرامج اللى ملهاش لازمه نهائياً وتستخدم البرامج اللى انت محتاجها وشغال عليها بس .. وايضا الاجهزة بنفس الطريقه ..
-نصائح : ممكن تستخدم باقة اعلى .. وخلي الروتر بتاعك فى مكان كويس دايماً يوفر ليك اشارة واي فاي جيدة واستخدم اجهزة آخري فى حالة البيت كبير لتغطبية البيت كله .
كدا تكون بعض الحلول لمراجعه اسباب بطىء الانترنت وحلولها ..
مفيش وسائل آخري فى معالجة المشكلة دي فمثلا مفيش طريقه لو بافتك خلصانه انها تزود سرعتك .. لازم طبعا تتواصل مع مزود الخدمه الخاص بيك وتطلب منو شيء زي دا .. وايضا خلي بالك من مشاكل السلوك والتوصيلات ..
