مميزات و عيوب نسخ واتساب المعدلة - هل آمن ام لا؟

هل استخدام الواتس اب المعدل والذهبي والجي بي آمن ؟ كل حاجه عايز تعرفها عن التطبيقات المعدله من الواتس اب واي مخاطر واضرار استخدامها ... كالذهبي والبلس وغيرهم  و كيفيه الاستخدام الامن للتطبيقات دي وتستخدم التطبيقات دي ولا لا ...

 

فى بداية المقال ...  اتكلمنا فى مقال سابق عن افضل البدايل للواتس اب الذهبي والجي بي بعد ما وقف تطويرهم وبقا بيسبوو مشاكل كثير كحظر رقمك على الواتس اب وغيرها من المشاكل .. فتقدر تلاقي بديل بدون مشاكل من المقال التالى :

 

 افضل 5 بدائل للواتس الذهبي والجي بي GB Whatsapp

 

فى المقاله دي هنناقش مخاطر أو عيوب استخدام الواتس الذهبي او الجي بي اوالبلس او غيرهم من التطبيقات المعدله للواتس اب , طبعا تطبيق واتس اب من اشهر واكثر التطبيقات استخداماً وقد يكون الاكثر استخداما فعلا متخطياً تطبيقات كثيره ثانيه من التواصل او حتى التواصل الاجتماعي.

 

السبب فى انتشار الواتس اب بالكثرة دي هوا المميزات اللى بيقدمها مش بس فى الشات او الرسائل ولكن بيقدم مشاركه الملفات والصور بجوده عالية وايضا المكالمات سواء صوتية او فيديو .. ومش بس كدا كمان تطبيق الواتس اب فى الوقت اللى بكتب فيه المقال نزل ليه الوضع الليلي , الخلاصه ان فى مئات الاسباب والمزايا اللى خلت تطبيق الواتس اب ينجح النجاح الكبير دا .

 

فى نسخة الواتس اب الرسمية متقدرش تعمل حالات من الفيديو اكبر من 30 ثانية , بيتم ضغط الصور قبل ما تتبعت بس مش لدرجه انها تقل كثير فى الجوده , متقدرش تشارك كل انواع الملفات عبر الواتس اب , وغيره حاجات كثير بتخلي مستخدمين الواتس اب يستخدموا نسخ معدله من تطبيق الواتس اب عشان يحصلوا على مميزات اكثر من الخصوصيه والتعديل فى التطبيق وغيره ..

 

هل استخدام واتساب الذهبي آمن و المميزات و العيوب ؟

 فى الحقيقه فى بعض المخاطر [اضرار] الموجوده مع استخدام تطبيقات الواتس المعدله , فاستخدام التطبيقات دي مش امن تماماً 100 % ، مفيش شك ان النسخ المعدله من الواتس اب بتقدم مزايا كثير اكثر من الواتس اب العادي والرسمي , ولكن فى المقاله دي انا مش برشح انك تستخدم التطبيقات دي  وهذكرلك بعض المخاطر وانت تحدد اذا كنت هتستخمها ولا لا ...

 

 1- واتس اب تطبيق غير مفتوح المصدر.

اي تطبيق او حاجه مفتوحه المصدر Open Source فدا ممكن تاخد اكوادها وتعدل عليها , ولكن تطبيق الواتس اب مش مفتوح المصدر بالتالى مش مسموح انك تاخد التطبيق الرسمي وتعدل على اكواد او اي حاجه فيه لانو تابع لجهات خاصة , بس دا عكس اللى بيحصل فى التطبيقات اللى انت بستخدمها اللى فى الغالب بيضيفو صفوف من الاكواد الجديده .. 

 

2-تطبيقات الواتس المعدله ليست متاحه على جوجل بلاي.

دا واحد من اكبر الاسباب  ان مش برشح استخدام التطبيقات دي , تطبيقات الواتس المعدله مش موجوده على متجر بلاي الرسمي لعده اسباب .. طبعا التطبيقات دي مش بتوافق الشروط بتاعت المتجر زى ما اكلمنا فى اول خطر .. 

 

3- نسبه مرتفعه لخسارة حسابك على الواتس اب 

التطبيقات المعدله دي زي الواتس الذهبي او بلس او جي بي ملهاش اتصال رسمي بالواتس اب  , ودا السبب الرئيسي ان مستخدمين التطبيقات دي بيتعرضوا لحظر دايما من الواتس اب وظهور رساله " تم حظر حسابك مؤقتاً " .. رغم ان التطبيقات دي بتكتب فى مزاياها ان هيا بتخلي حسابك ميحصلش ليه حظر .. بس برضوا بتظل نسبه خسارة حسابك على الواتس اب مرتفعه .. 

 

4- تطبيقات الواتس اب المعدله ممكن تكون ضارة 

بعض التقارير بتقول ان تطبيق زي تطبيق الواتس اب بلس , فيه لينكات مضرة , وطبعا من غير التقارير دي فانت على التطبيقات دي معرض لخسارة جزء كبير من خصوصيتك او بياناتك لان التطبيق مش رسمي فى الاساس ومش من شركه رسميه ممكن مثلا تخاف على مستخدمينها من تسرب المعلومات الخاصه بيهم .

 

دلوقتي انا اللى هسألك هل استخدام تطبيقات الواتس اب المعدله امن ولا لا ؟
وبعد ما عرفت كل الاضرار الممكنه انت اللى تقدر تحدد اجابه السؤال دا سواء ب نعم او ب لا .. 

 

شاهد المزيد من المواضيع:

• [1] تشغيل واتساب ويب للكمبيوتر
  
• [2] اظهار رسائل واتس المحذوفة
  
• [3] تعطيل النسخ الاحتياطي واتس
• [4] مشكلة حظر رقمي على واتس

 

لو عندك اي مشاكل متنياش تسيبها فى التعليقات ، شاهد المزيد من المقالات داخل قسم اندرويد و قسم واتساب ، تابعنا على مواقع التواصل الاجتماعي.

ودمتم بخير ♥

تعديل المقال