خطوات تحديد سرعة الإنترنت و تقليل سرعة التحميل والتصفح فى اي راوتر .سواء الروتر بتاعك قديم او جديد. هجمع ليك الطرق هنا. وهتطلع من المقال وانت محدد السرعه زي ما بتحب متقلقش .رواتر We TE-Data.راوتر ZTE. او حتى الروتر القديم ZXHN H108N V2.5 ودا الروتر الخاص بيا والطريقه شغاله وهنقسم محتويات المقاله حسب الأجهزة كالتالي:
- راوتر we الجديد hg
- راوتر te data الجديد و القديم ZXHN H108N
- راوتر ZTE
- راوتر TP-Link
- راوتر LinkSys
- راوتر اتصالات - فودافون - اورنج
ركز فى الشرح والخطوات وهيكون قدامك اكثر من طريقه هقولك كل الطرق.وانت جرب وهقولك اللى اشتغلت معايا.. مع العلم ان طريقة تقليل السرعة من إعدادات الراوتر متشابهة اياً كان الجهاز الذي تقوم باستخدامه ، مثلاً اذا كان لديك جهاز من فودافون او اتصالات ستكون الاعدادات متشابهة لان الشركات تستخدم نفس الاجهزة من هواوي او ZTE مع تغيير واجهة المستخدم وشكل صفحة الإعدادات فقط.
كيفية تحديد سرعه الانترنت من راوتر we الجديد.
لو انت اشتريت راوتر VDSL السرعات الجديده من شركة وي وبتعاني ان الباقه بتخلص معاك فى 10 او 15 يوم فالحل في ايدك ,انك ترجع سرعه النت بنفسك وتعمل تقليل سرعه النت من الراوتر الخاص بك ودا شرح للراوتر بتاعك ..
- من اي متصفح سواء كمبيوتر او موبايل اكتب الاي بي الخاص بالروتر وهوا دا 192.168.1.1
- هتسجل دخول للروتر .. هتلاقي اسم المستخدم و الرقم السري على ظهر الروتر ولو روترك قديم يبقا admin او user للخانتين .. المهم انهم مكتوبين على ظهر الروتر الخاص بيك .
- بعد تسجيل الدخول هتختار من اعلي خانة Internet وبعدين Bandwidth Control.
- كل اللى هتعمله انك هتكتب القيمه اللى عايز السرعه تشتغل بيها .. فمثلا اكتب 256 كدا انت شغال بسرعه 5 ميجا وبرضوا عشان تتأكد حمل ملف كل ما تحدد السرعه وشوف هل دي السرعه اللى عايزها ولا لا ...
نفس الإعدادات السابقة تنطبق على جميع أجهزة الشركة الجديدة مهما اختلف الاصدار، واذا واجهت مشكلة اترك تعليق بنهاية الموضوع وسأقوم بمساعدتك.
تحديد سرعه الانترنت فى راوتر Te-Data Hg 532N.
الروتر دا روتر مش الجديد ومش القديم فدا يعتبر ما بين الجديد وما بين القديم وايضاً راوتر Hg 531 V1 فتقريبا مقاربين لبعض ونفس الخطوات والشرح دا خاص بالاصدارات دي عشان تقدر تحدد سرعة النت.
- هتفتح صفحه الروتر 192.168.1.1
- هتسجل دخول عادي جدا باسم المتسخدم اللى بيكون admin و الرقم السري مكتوب على ظهر الروتر لو مش عارفه ..
- هتختار ADvanced >>Qos
- اختار Enable وبعدين اكتب السرعه اللى عايزها فى مربع Bandwidth
- لو الطريقه دي مشتغلتش معاك فى طريقه ثانيه للراوتر دا ...
- وهيا انك روح لــ Basic وبعدين Wlan
- غير اول خانة بتاعت Mode زي الاعدادات الموضحه فى الصورة و غير الRate لــ 2 ميجا واعمل حفظ
- فهتغير المود :802.11 b only
- Transmit Power:20 او ممكن تلاقيها نسب بالمئه اختار 20%.
- واختار من الRate سرعة 2 ميجا .
- -وان شاء الله الطريقه دي هتشتغل معاك ♥
- تابعنا على فيسبوك وتويتر وعلق لو عندك اي مشكله ..
يمكنك تحديث الراوتر الموجود لديك عبر تبديله من الشركة ولكن اولاً اطلع على قائمة الاجهزة الجديدة التي توفرها الشركة حالياً للعملاء من الصفحة التالية " راوتر we "
تحديد سرعة النت راوتر ZXHN H108N Te-Data القديم.
- افتح صفحه الروتر 192.168.1.1
- سجل دخول عادي جدا عن طريق اسم المتسخدم admin ورقم السري admin .. لو انت مش مغيرو..
- اختار Network وبعدين Wlan.
- ركز معايا هنا بقا .. هتختار من اول خانه Mode اول خيار 802.11b only
- وهتغير Transmitting Power الى 20% لحد هنا الطريقه ممكن متشتغلش معاك
- في اخر خانه وهيا خانة Fragment Threshold دي اللى هتحدد منها السرعه
- القيمه الافتراضية 2346 دي معناها انها مش شغاله ..
- هتغير القيمه دي بحيث تتراوح من 256-2346
- حط مثلا 500 النت هيشتغل معاك على 2 ميجا سرعه تصفح وتحميل بيوصل 250 كيلوبايلت على الثانية ودي سرعه كويسه وهتوفر معاك الباقه ..
دي الاعدادات زي ما فى الصورة وكدا الروتر بتاعك السرعه فيه هتقل .. واعمل اختبار تحديد سرعه وشوف 😎
- فى طريقه ثانيه وانك تروح لــ Applications وبعدين Qos وتفعل Comitted Access Rate ، وبعد ما تفعلها اختارها من القائمه واكتب السرعه واعمل حفظ.. بس الطريقه دي لم تعمل معي .. بس دا شرح ليها بس.
لكي تتأكد ان الباقة الخاصة بك لا يتم سرقتها، تابع الاجهزة المتصلة بالراوتر واذا تم كسر الحماية وتخطي كملة المرور من الموضوع التالي: "معرفة الأجهزة المتصلة بالراوتر".
كيفية تقليل سرعة الانترنت في راوتر TP-Link.
راوتر تي بي لينك , بيحتوي على اعدادات اكثر لتحديد سرعة الانترنت عن طريق .Banwidth Setting Rules
- من قائمه Rules list اختار Bandwidth Control.
- اضعط على Add New لإنشاء قاعدة جديدة. وتأكد من ضبط البروتوكول لكل من (TCP وUDP).
- عشان تحدد اقصي سرعه رفع ادخل القيمه الاعلي والاقل فى Egress Bandwidth.
- عشان تحدد اقصي سرعه تحميل ادخل اعلى واقل قيمه فى Ingress Bandwidth.
- لتحديد الاجهزة اللى عايز تحدد ليها سرعه ادخل مدي الاي بي IpRange.
تحديد سرعة الانترنت فى راوتر LinkSys.
اي نوع ثاني من الراوتر المذكورة هتلاقيه بيعتمد على واحده من الطرق السابقة فمثلا روتر Link بتحدد فيه السرعه عن طريق Qos الطريقه الاولي .. ولو عندك اي نوع آخر Toto Link او اي نوع جرب نفس الطرق السابقه عليه.
احرص على تغيير الباسورد كل فترة عبر اتباع الخطوات الموجودة بالموضوع التالي " تغيير باسورد الواي فاي".
وصلنا الى النهاية بعد توضيح الطريقة الصحيحة من اجل تحديد سرعة النت من الراوتر ، لو عندك اي مشاكل او نوع محدد اكتب تعليق وسأقوم بالرد عليك فوراً ، قم بزيارة الصفحة الرئيسية للموقع او الاقسام لمشاهدة المزيد من المواضيع وتابعنا على فيسبوك وتويتر .. وهتلاقي منشورات تفيدك ان شاء الله ، دمتم بخير ♥
