مشكلة الشاشة البيضاء .. من المشاكل اللى بتواجه كثير من المستخدمين .. هنوضح بعض الاسباب والحلول للمشكلة اللى تقدر تعملها بدون اي خبرة وبسهولة تامة ان شاء الله .. فمن الاسباب لحدوث العطل دا .. قد يكون تلف فى الشاشة بسبب اصطدامها بحاجة .. وقد يكون مشكلة فى كارت الشاشة او مشكلة فى الكابل .. ولكن اذا كانت المشكله بتظهر وتختفي فهنقدم بعض الحلول اللى ممكن تكون مفيده ان شاء الله ..
اولاً: جرب امر sfc/scannow.
ثانياً:وصل اللابتوب الخاص بك بشاشة آخري.
ممكن توصل اللاب توب الخاص بيك بشاشة آخري عشان ممكن تكون المشكلة من كارت الشاشة او من الشاشة نفسها فعشان تتأكد المشكلة من اللابتوب او لا .. هتوصل اللابتوب بتاعك بشاشة آخري .. لو المشكلة فى كارت الشاشة فالمفروض لما توصل اللاب بشاشة آخري هتظهر شاشة بيضاء على الشاشة الاخري ايضاً..
ولكن اذا اشتغلت الشاشة اللى وصلتها عادي فكدا مش عندك اي مشاكل فى كارت الشاشة .. والمشكلة فى شاشة اللابتوب ..
ثالثاً:ازالة بطارية اللابتوب.
لو ظهر ليك شاشة بيضاء عند فتح اللاب . مكن تجرب تشيل البطارية من اللابتوب وتجرب تشغله مره ثانية بدون وجود البطارية وعن طريق الشاحن مباشرة .. وممكن تجرب تشيل البطارية خالص و تشيل اللاب من الشاحن ايضا وتضغط على زر الباور لمده 30 ثانية او اكثر .. بعدين تحط البطارية ثاني .. وتشوف هل المشكلة اختفت ولا لا .
رابعاَ:كارت الشاشة الخاص بك.
حسب كلام كثير من المستخدمين اللى ظهرت ليهم مشكلة الشاشة البيضاء .. كانت المشكلة ليها علاقة بكارت الشاشة .. لو بتظهر شاشة بيضاء بمجرد انك تضغط على زر الباور فدا ممكن يكون بسبب كارت الشاشة .. حتى لو بتظهر لما الويندوز يجي يشتغل فدا برضوا ممكن يكون ليه علاقه بكارت الشاشة واستخدم الطريقة الثانية عشان تتأكد .. ولو المشكلة في كارت الشاشة .. فانت محتاج خبير يصلح ليك المشكلة دي .. فالاحسن انك تودي اللابتوب الي مركز صيانة.
خامساً:اضغط على Alt+Ctrl+Delete.
بعض المتسخدمين اللى قابلتهم المشكلة قالو انها اتحلت ببساطة بمجرد الضغط على Alt+Ctrl+delete من الكيبورد بمجرد ظهور الشاشة البيضاء .. وخلي بالك ان دا مش حل نهائي فهتضطر تعمله كل ما المشكله تحصل لو نجح معاك..
سادساً:اكتب الباسورد الخاص بك بدون النظر.
لو بتظهر ليك الشاشة البيضاء عند تسجيل الدخول فى الويندوز , ففي بعض الناس اتحلت معاها المشكلة دي بانها كتبت الرقم السري الخاص باللابتوب بدون النظر يعني اكتبه واضغط انتر ولما اللاب فتح الشاشه اشتغلت عادي..
سابعاً:حدث تعريفات كارت الشاشة.
مشكلة الشاشة البيضاء حصلت مع مستخدمين كثير بسبب ان تعريف كارت الشاشة كان قديم .. فحاول انك تحدث تعريفات كارت الشاشة الخاصة بيك عن طريق انك تبحث عن التعريف على جوجل او باستخدام اداة مثل EASYDriver او DrivePackSolution.
انتهينا من طرح حلول مشكلة الشاشة البيضاء التي تظهنر في بعض اجهزة اللابتوب اتمني ان اي حل من الحلول السابقة يشتغل معاكم ، تابعنا على فيسبوك وتويتر وعلق بتعليق عن اي مشكله تواجهك ، دمتم بخير ♥
