-كلنا عندنا كمبيوتر قديم اشترناه من فتره او يمكن كمبيوتر مش قديم او لاب توب ..وبنفكر ازاي نخلي الكمبيوتر دا يقدملنا احسن اداء لحد دلوقتي .. فى مقالة اليوم هنكلم عن افضل الطرق والحاجات اللى ممكن تعملها مع الكمبيوتر او اللابتوب بتاعك القديم او الجديد عشان تحافظ عليه ويديك اداء مقبول ويفضل شغال كويس بدون اي مشاكل ..
فحتي بعد ما انت اشتريت كمبيوتر جديد .. بيظل في استخدمات كثير جداً للكمبيوتر بتاعك القديم واللى عشان تعملها لازم تحافظ عليه عشان يكون صالح للاستخدام بدون مشاكل او بدون ما تحس ان فعلا الكمبيوتر اصبح غير صالح للاستخدام..
1-تنظيف الكمبيوتر جيداً لاداء افضل.
نقطه مهمة جداً هيا تنظيف الاتربة و القطع الداخلية للكمبيوتر الخاص بيك باستمرار والنقطه دي مش خاصه بس بالاجهزة القديمه ولكن عموما لو عايز تحافظ على الكمبيوتر الخاص بيك .. لازم يبقا في زي دورة تنظيف كل فتره كدا للكمبيوتر بتاعك .تفتحه وتنظف كل التراب الموجود على القطع الداخليه ولكن بحرص شديد.
2-استخدام برامج جيدة لسرعة افضل.
دايما من النقط المهمة عشان الكمبيوتر يقدملك اداء كويس .. هيا البرامج اللى بتستخدمها يعنل خليك عارف امكانيات جهازك كويس .. متنزلش عليه برامج اتقل من الامكانيات الخاصه بيه .. وبرضوا لازم تنزل برامج من اماكن موثوقه لان التنزيل العشوائي هينقل ليك برامج ملغمة وغير سلمية ودا ممكن يسببلك مشاكل كثير جدا على الكمبيوتر الخاص بيك.
3-استخدام برنامج فيروسات.
لازم تستخدم برنامج فيروسات جيد على اجهزتك يحميك من التحميلات الملغمة ومن الملفات الضارة اللى هتسبب بطىء رهيب جدا فى نظام التشغيل الخاص بيك .. استخدام اي برنامج يكون جيد وفي امثلة كثيره جدا وانا بستخدم افاست.
4-اختيار نظام التشغيل المناسب لك يسرع من كمبيوترك.
دائما اختار نظام تشغيل مناسب لكمبيوترك سواء PC او لاب توب .. فمثلا لو جهازك ميقدرش يستخدم نسخة 64 متنزلش نسخة 64 عليه وهكذا .. اختار النظام مناسب لجهازك .. لو امكانيات جهازك مفهاش مشكله يبقا اختار براحتك اللى يناسبك.
5-اهتم بالتبريد ومكان الجهاز لتجنب البطىء.
دايماً اهتم بالمكان اللى انت واضع فيه الجهاز .. اجتنب الاماكن الضيقه اللى ممكن تسبب زيادة حرارة كبيرة جدا فى الجهاز مما هيسببلك مشاكل .. برضوا خلي بالك من المراوح والتبريد جوا الجهاز لو في اي مشكله لازم تحلها ..
6-حدث من كمبيوترك جزئياً لسرعة اكبر.
ممكن كل فتره تحديث قطعه معينه فى الكمبيوتر الخاص بيك او اللابتوب لغرض انك تحصل على اداء احسن وبغرض انك تحدث من الجهاز برضوا وممكن تبدأ مثلا تشتري رامات اعلي او هارد SSd .
7-لا تستخدم انظمه التشغيل المعدلة لتجنب البطىء.
دايماً تجنب نسخ الويندوز الغير رسمية واللى عليها تعديلات كثير .. وحاول دايماً يكون نظام التشغيل بتاعك خفيف و بلاش اضافات كثيرة بدون لازمه لان دا هيخلي نظامك اسرع .
8- تسريع اداء كمبيوتر قديم ؟
اذا كنت تمتلك كمبيوتر او لابتوب قديم جداً يمكن تنزيل نظام ChromeOS Flex وهو نظام تشغيل اطلقته جوجل ، يعتمد على خدمات جوجل ويمكن تنزيله بسهولة عبر استخدام فلاش USB ، النظام خفيف جداً ويمكن اداء المهام الاساسية على جهاز ضعيف جداً بدون ان تواجه مشكلة البطىء.
الخلاصة: استخدامك للجهاز اهم شىء عشان تحافظ عليه .. يعني خلي استخدامك دايما متزن عارف الكمبيوتر بتاعك يقدر يقدملك اي وميقدرش يقدملك اي النقطه دي لوحدها هتخليك فاهم الكمبيوتر بتاعك .. و اهتم دايماً بالتنظيف .
وصلنا الى نهاية المقالة بعد توضيح طريقة تحسين اداء الكمبيوتر و تسريع ويندوز ، قم بزيارة قسم الكمبيوتر لمشاهدة المزيد من المواضيع ، متنساش تتابعنا علي فيسبوك وتويتر ♥ ، دمتم بخير
