-ممكن تكون سمعت كلمة خيارت المطور او Developer options .. سواء من صديق ليك او حد قالك افتحها عشان تعمل منها حاجه زي انك توقف التحديثات مثلا مع اني مش بنصح بكدا تماماً.. ولكن فى مقالة اليوم هنتعرف علي معني خيارات المطورين وازاي تفعلها وتشغلها فى موبايلك الاندوريد..
ما هي خيارات المطور في هواتف اندرويد ؟
عبارة عن مجموعة من المميزات اللى بتكون غير متاحة ليك كمستخدم عادي فمنها مثلا تقدر تعرف بعض التفاصيل عن الاداء وتقدر كمان تغير بعض الاعدادات كسرعة الانيميشن ورسم مخطط gpu واستخدام cpu وتصحيح اخطاء usb.
والخصائص دي بتكون غير متوفرة او ظاهرة للمستخدم العادي الا بعد تفعيلها وطريقة تفعيلها سهلة جدا وهنتكلم بسرعة عن بعض الخصائص دي.
بعض خيارات المطور على اندوريد:
- ترك الشاشة تعمل دائماً Stay awake.
- اضافة كلمة مرور للنسخ الاحتياطية.
- تصحيح اخطاء USB.
- عرض مكان لمس الاصبع على الشاشة.
- عرض خيارات كارت الرسوميات.
- اغلاق التحديثات نهائياً.
- تسريع عرض الانيميشن.
طريقة تفعيل خيارات المطوِر في أندرويد ؟
- افتح الاعدادات الخاصة بموبايلك.
- اختار عن الهاتف about phone.
- اضغط على رقم اصدار الواجهة الخاصة بالهاتف او رقم الهاتف Build number.
- اضغط بتكرار على الخانة اللى بتحتوي علي الرقم دا .
- هيظهرلك انت الان مطور و هتلاقي خانة جديدة فى الاعدادات باسم خيارات المطورين.
نصل الى نهاية الموضوع بعد شرح خطوات تفعيل Developer options من داخل إعدادات الاندرويد ، قم بزيارة قسم الأندرويد للإطلاع على المزيد من المواضيع وتابعنا على فيس بوك و تويتر ليصلك المواضيع الجديدة..
