-اذا كنت من عشاق الرسم و تريد ممارسة هوايتك على موبايلك الاندوريد او الايفون او الايباد عن طريق بعض التطبيقات الاحترافية واللى بتوفر ليك ادوات رسم كثيرة لاخراج رسومات احترافية .. هنتكلم فى المقال عن افضل التطبيقات الموجوده مجانا وبتوفر ليك ادوات رسم كثيرة جداً وتعتبر من افضل التطبيقات المتوفرة فى المجال دا.
افضل 10 تطبيقات رسم لهاتفك الاندوريد والايفون.
- SketchBook – Draw and Paint
- Adobe Illustrator Draw
- Adobe Photoshop Sketch
- MediBang Paint
- ArtFlow: Paint Draw Sketchbook
- PaperDraw: Paint Draw Sketchbook
- Dotpict
- Ibis Paint X
- InspirARTion – Sketch & Draw!
- LayerPaint HD
1- SketchBook – Draw and Paint.
البرنامج من صنع شركة اوتوديسك .. التطبيق مجاني وبيقدملك اختيارات ومميزات للرسم ممتازة . المتسخدمين ممكن يرسمو بـ 13 فرشة واقلام وحتي اقلام رصاص. وبيدعم التقريب والتبعيد مع العلم ان التطبيق بيحتوي على اكثر من 100 فرشة مختلفة ..
تحميل: اندوريد | ايفون
2- Adobe Illustrator Draw.
التطبيق من انتاج شركة ادوبي العالمية .. الشركة المشهورة فى مجال الجرافيك ببرامجها الكثير زي الفوتوشوب .. ودي نسخه خاصة بالموبايل من برنامج موجود علي الكمبيوتر .. حجم التطبيق حوالي 38 ميجا ومجاني .. وبيحتوي علي انواع مختلفة من الاقلام اللى بتساعدك فى الرسم وبيستخدم اكثر فى رسم وانتاج الفيكتورات.
3- Adobe Photoshop Sketch.
التطبيق السابق كان من انتاج شركة ادوبي ولكنه بيستخدم اكثر فى مجال Vector .. دا تطبيق آخر موجود على جوجل بلاي مجاناً للرسم باقلام الرصاص والفرش وبيحتوي على ادوات كثيرة بتساعدك انك تطلع رسم دقيق وبجودة ممتازة.
تحميل: اندوريد | ايفون
4- MediBang Paint.
تطبيق رسم مجاني من شركة MediBang Inc بيوفر كل الادوات المميزة اللى انت بتدور عليها .. او محتاجها علشان ترسم علي الموبايل و واجهة البرنامج قريبة جداً من برامج ادوبي .. والتطبيق متاح لموبايلات الاندوريد و الايفون وايضاً متاح للماك والكمبيوتر.. التطبيق يحتوي على اكثر من 100 فرشة مجانية وانواع كثيرة من الاقلام . وبيوفر ليك تخزين سحابي ومشاركة اعمالك اونلاين.
5- ArtFlow: Paint Draw Sketchbook.
تطبيق من انتاج ستوديو ArtFlow .. ومن اهم مميزاته انك ممكن توصل جهازك ب Degital Sketch Book .. بيحتوي على فرش كثير مجانية وادوات مميزة .. وبتقدر تحفظ وتشارك رسومات بصيغ مختلفة Jpg , Png , PSD.
تحميل: اندوريد
6- PaperDraw: Paint Draw Sketchbook.
التطبيق من شركة ColorFit ممتاز جداً وبيساعدك فى رسم ادق التفاصيل .. بيقدم ليك فرش كثيره وانواع اكثر من الاقلام اللى ممكن تحتاجه وانت بترسم علي موبايلك .. تقدر تحمله مجاناَ من المتجروحصل علي تقييم 4.2/5.
تحميل: اندوريد
7-Dotpict .
تطبيق Dotpict مختلف وبيعتمد على رسم لوح عن طريق البيكسل .. بيوفر ليك عملية تلوين كل بيكسل على حدي .. وبيحتوي على مجموعة كبيرة من المميزات والالوان و الفرش .. تطبيق ممتع جداً للناس اللى هوايتهم هيا الرسم وبيقدم تجربة جديدة.
تحميل: اندوريد
8-Ibis Paint X.
من التطبيقات المميزة فى قائمة النهاردة فالتطبيق بيقدم اكثر من 325 فرشة و 63 فلتر و 27 وضع دمج للصور والمزيد .. التطبيق من شركة ibis inc وحاصل علي تقييم 4.5/5 وتخطي عدد التحميلات 10 مليون مرة.
تحميل: اندوريد
9-InspirARTion – Sketch & Draw!.
التطبيق فكرته هوا انو يوفرلك كل الادوات اللى تساعدك فى الابتكار .. حتي لو بدأت بمجرد شخبطه على الورق فقط .. التطبيق من شركة intelloware وحاصل على تقييم 4.3/5 وعدد تحميلات اكثر من 100 الف.
تحميل: اندوريد
10-LayerPaint HD.
تطبيق مميز جدا وبيدعم تصدير الرسومات الى صيغة PSD ونقل رسوماتك الى الفوتوشوب .. من انتاج شركة nattou.org ومتاح مجاناً للتحميل وحاصل على تقييم 4/5.
تحميل: اندوريد
وكدا نكون وصلنا لنهاية المقال ، تابعنا علي فيسبوك وتويتر ، دمتم بخير ♥
