- عندك فى البيت شاشة او تلفزيون او حتي جهاز تكييف ؟ .. طبعاً كل الاجهزة دي ليها ريموت كنترول للتحكم فيها عن بعد .. طيب لو الريموت دا بعيد عنك او مش لاقيه مثلا حالياً تعرف انك ممكن تتحكم فى كل الاجهزة دي.. عن طريق موبايلك لو بدعم IR واللى بقي منتشر كثير فى موبايلات جميع الفئات.
عن طريق IR او ir blaster انت حرفياً تقدر تحول موبايلك الي ريموت كنترول لاي جهاز شغال بريموت كنترول .. بشرط يكون الجهاز دا موجود على التطبيق اللى بتستخدمه .. يعني مثلا اجهزة شاومي بتدعم الاي ار .. وليها تطبيق تبع النظام اسمو Mi Remote لما تدخل التطبيق دا تقدر تتحكم فى كل اجهزة شاومي المنزلية طبعاً.
بالاضافة انك ممكن تتحكم فى اجهزة آخري زي مثلا شاشات التلفزيون و المروحه و الرسيفر و البروجكتور و الكاميرة .. وفى تطبيقات ثانية بتقدم اجهزة اكثر فانت عشان تستخدم موبايلك كريموت كنترول لجهاز معين لازم يكون معاك تطبيق يكون بيدعم الجهاز دا.
كمثال بسيط لو عندي شاشة سامسونج او ال جي فى البيت هحتاج تطبيق يكون عليه ريموت شاشات السامسونج ونفس الفكرة لو عندي تكييف .. و انا بتحكم فى الشاشة بتاعتي عن طريق تطبيق شاومي.
هنتكلم فى المقال عن افضل التطبيقات المتاحة عشان تحول موبايلك للريموت .. تطبيقات عليها اجهزة كثيرة ومختلفه كل اللى انت بتعمله انك تحمل التطبيق وتدخل تختار الصنف اللى عايزه .. مثلا اختار ريسيفر وابحث عن نوع الرسيفر الخاص بيك، والتطبيق هيفتح ليك ريموت بكامل شاشة الموبايل تقدر تتحكم فى كل شيء فى الرسيفر.
طريقة تحويل الهاتف الى ريموت كنترول.
زي ما اتكلمنا فى المقدمة كل اللى انت محتاجه ان يكون موبايلك بيدعم IR .. و تطبيق يكون عليه ريموت الجهاز اللى عايز تشغله .. تطبيق شاومي Mi remote عليه اجهزة كثيرة .. اتأكد انك فاتح النت وانت بتبحث على الجهاز الخاص بيك.
افضل تطبيقات IR تحويل الجوال الى ريموت كنترول؟
- ASmart Remote IR.
- AnyMote – Smart Remote Control.
- SURE Universal Remote.
- IR Remote Control.
في تطبيقات آخري كثير .. ولكن دي مجموعه ممتازة هتقدر تتحكم من عليها فى تطبيقات كثير جدا كشاشات و تكييف ومروحة و سماعات وغيرها.وخلي بالك ان احياناً فى شركات بيكون ليها تطبيق خاص بيها .. فممكن برضوا تستخدم التطبيق الخاص بالشركة المصنعة.
-ASmart Remote IR.
التطبيق نقطه قوته انو سهل جداً فى الاستخدام ومفيش فيه اي تعقيد وتقدر تتحكم فى انواع كثيرة من الاجهزة من عليه .. تقدر تضيف اكثر من جهاز عليه والتطبيق مجاني ومتاح على جوجل بلاي وحاصل على تقييم 3.4/5 وعدد تحميلات اكثر من 5 مليون مرة.
-AnyMote – Smart Remote Control.
من افضل التطبيقات المتاحة عالمياً اللى بتوفر ليك اجهزة كثيرة جداً منها تلفزيون ابل Apple Tv والتطبيق عليه اكثر من 900 الف جهاز .. تقدر تحمل التطبيق مجاناً من جوجل بلاي .. حاصل على تقييم 4/5 وعدد تحميلات اكثر من 10 مليون مرة. تقدر تضيف اكثر من جهاز عليه .
- SURE Universal Remote.
بديل آخر للتطبيقات السابقة .. تطبيق ممتاز جداً وسهل فى الاستخدام وتقدر بكل سهولة تضيف اكثر من جهاز تتحكم بيهم عن طريق الموبايل .. التطبيق مجاني علي جوجل بلاي وحاصل على تقييم 3.6/5 واكثر من 10 مليون تنزيل.
- IR Remote Control.
بديل آخر لتطبيقات التحكم فى الاجهزة عن طريق الموبايل وتحويله الى ريموت كنترول .. التطبيق بسيط جداً فى الاستخدام ومتاح على جوجل بلاي .. حاصل على تقييم 3.2/5 وعدد تحميلات اكثر من 5 مليون مرة.
دي كانت افضل التطبيقات المتاحة .. وطبعا عالم التطبيقات فيه جديد كل يوم ومتنساش تستخدم تطبيقات الشركات المصنعه او التطبيقات الافتراضية اللى بتنزل مع موبايلك لانها بتكون ممتازة وتفي بالغرض فى كثير من الاستخدامات.
احصل الان على نسختك المجانية من تطبيق تسجيل المكالمات الاحترافي عبر الرابط التالي " برنامج تسجيل المكالمات ".
وصلنا الى نهاية الموضوع بعد شرح طريقة استخدام الهاتف وتحويله الى ريموت كنترول عبر تقنية IR المدمجة وتطبيق الريموت الكنترول المجاني من متجر التطبيقات، شاهد مواضيع اكثر عبر زيارة قسم اندرويد و تطبيقات أو الصفحة الرئيسية، تابعنا على فيسبوك وتويتر.
