-خلال عام 2020 شركة سوني هتطلق اصدار جديد من البلايستيشن .. وهوا PS5.. لو انت عندك فور هل تحدث للاصدار الاجدد ؟ واي هيا التغييرات في الاصدار الجديد من البلايستيشن .. مع العلم ان مفيش اي وقت او تاريخ لحد الان عن صدور النسخه الخامسه من البلايستيشن ..
-نسخه البلايستيشن فور حققت مبيعات اكثر من 100 مليون جهاز منذ اطلاقه .. فاكيد مستخدمين المنصه دي منتظرين الاصدار الجديد واي الجديد فيه بفارغ الصبر ..فهل المفروض تحدث ؟ بعد ما الشركه اعلنت عن ان الاصدار الخامس هينزل فى اوقات العطله 2020 ولكن مفيش اي معلومات او تواريخ رسمية..
1- الدقة والجوده Resolution ..
فى بلايستيشن 4 "برو" كان ممكن تحقق دقه تصل الى 4K وطبعا بتحتاج انواع محدده من الشاشات ... ولكن دقة 4K بقت شيء عادي وممكن حتى تلاقيها موجوده فى الهواتف دلوقتي .. وبقا معظم اللعب على شاشة وبدقه 4K ..
حسب التقارير فشركة سوني فى بلايستيشن 5 هيدعم دقة 8K ... ومن المتوقع ان الجهاز هيدعم دقه 4K مع تحسينات تقدر توصل الدقه الى 8K عند الحاجه ..
2-امكانيات Cpu and Gpu.
سوني اقوي منصه العاب حاليا مع بلايستيشن 4 برو ولكن مع الاصدار الخامس حسب التقارير تقريبا دا هتكون اقوي منصه او جهاز فى التاريخ ..الجهاز الجديد هيستخدم Zen 2 CPU from AMD مع نسخه مخصصه ..و Radeon Navi graphics .
والقطعتين دول هيتم تصنيعهم مخصصا للنسخه الخامسه من بلايستيشن 5 .. مع تحسينات كبيرة وخيارات اكثر للمطورين .. بتديهم سلاسه اكبر وامكانيات اكثر ..
3-دعم الاصدارت الاقل..
من اكبر غلطات سوني قديما او يمكن دي سياسة انها لاتدعم الالعاب الخاصه بالاصدرات القديمه فى الاصدارات الجديده .. ممكن تبقي اللعبه موجوده على المتجر ولكن فى الاصدار الاجدد بتقوم بشرائها مجدداً .. او لو عندك اسطوانه لبلايستيشن 3 متقدرش تشغلها على بلايستيشن 4 ... ولكن حسب التقارير هنا ..
سوني هتدعم الاصدرات الاقل والعاب الاصدرات الاقل فى بلايستيشن 5 .. بمعنى ان الاصدار الخامس من بلايستيشن هيدعم اسطوانات والعاب البلايستيشن فور 4 .. ومفيش اي معلومات آخري عن الميزة دي ...
4-وحده التحكم "ذراع التحكم "
سوني بتتميز بدراع التحكم عن المنصات او الاجهزة المختلفة المنافسه ليها . فمنذ صدور دراع التحكم الخاص ببلايستيشن كان مريح وجيد جدا فى الاستخدام والدراع كان بيتحسن مع كل اصدرا وتحديث للجهاز ..
فى الاغلب هيفضل دراع التحكم بنفس الشكل ممكن يكون فى اختلاف طفيف فى الحجم ولكن سوني بتفكر تضيف ازرار جديده وايضا سوني سجلت براءة اختراع جديده عن وحده تحكم بتتشحن لاسلكي .. فممكن نشوف مثلا وحدات التحكم بدون الحاجه الى اسلاك لشحنها ..
5-مكتبة الالعاب او المتجر ..
اي مستخدم للمنصه عارف ان من اهم مميزاتها هيا مكتبه الالعاب المتجدده واللى بيبقي فيها العاب حصريه مش ممكن تلعبها على اي مكان تاني غير PS وفي بعض الالعاب اللى اعلنت من الان انها هتكون متوفرة على PS 5 ..
الخلاصه :
الاصدار الجديد من Playstation بالتأكيد هيكون جذاب وشيء ملفت جدا و اكيد سوني هتحاول تنقل المنصه الى ليفل آخر ومع امكانيه الدعم للاصدار السابق ..و ايضا جوده ودقه اعلي للرسوميات .. وميزات جديده فى وحدات التحكم .. فاكيد في اسباب كافيه انك تحدث جهازك القديم للاصدار الاجدد اللى سيتم اطلاقه هذا السنه ..
تابعونا على فيسبوك وتويتر ♥ ، دمتم بخير
