تحديثات نظام اندوريد مهمة جداً لموبايلك .. والكلام دا هفضل اكرره كثير وأكد عليه قبل ما ابدأ في مقال اليوم .. فى بعض المستخدمين بينزعجوا من التحديثات اللى بتنزل للموبايل وبيدور على طريقة لايقاف التحديثات دي ..
ولكن ما المشكله في التحديثات لموبايلك ؟ اعرف ان بعض الاوقات قد يكون فى بعض المشاكل فى التحديثات القادمه ولكن فى الاغلب التحديثات دي بتكون لمصلحتك ولمصلحه الموبايل بتاعك .. فمثلا معظمهما بيكون تحديثات امنية هامة للموبايل .. وتحديثات لاصلاح مشاكل فى الموبايل نفسهم ، عظم المشاكل اللى بتظهر فى الموبايلات بعد اصدارها الشركه بتلجأ لحلها عن طريق تحديث بيوصلك علي الهاتف .. عشان كدا عملية التحديث قولتلك انها عمليه مهمة جداً.
فمثلا لو انت عايز تتجنب الموضوع دا تماماً مع انو مش مزعج او حاجه.. فانت بتخسر كل التحسينات اللى ممكن الشركه تنزلها .. فلو ظهر فى نوع موبايلك مشكله وما زالت معاك ممكن تكون الشركة المصنعة للموبايل نزلت ليها تحديث وحلت المشكله من فتره ولكن بسبب انك مجتنب التحديثات من الاساس .. فما زالت المشكله موجوده عندك ..
ايضاً تحديثات الوجهات .. فكل شركة موبايلات بتعدل على واجهة الاندوريد الخام وبتعمل واجهة خاصه بيها وبيكون في تحديثات شبه سنوية للواجهة دي .. بتنزلك مميزات جديده بل وممكن تغيرلك من حاجات كثيرة فى الموبايل بتاعك .. وتحديثات نظام التشغيل فمثلا لو موبايلك شغال باندوريد 9 .. لو قفلت التحديثات مش هتحدث موبايلك لاندوريد 10 وهتخسر مميزات جديده وتطور لموبايلك..
طريقة قفل التحديثات على اندوريد ؟
- اذهب الي الاعدادات ثم عن الهاتف
- انزل لتحت هتلاقي رقم البناء او اصدار الواجهة اضغط عليه كذا مرة لحد ما الجهاز يقولك ان "وضع المطور تم تفعيله "
- هترجع الي الاعدادات هتلاقي خانة جديده تم اضافتها اسمها "خيارات المطورين "
- افتحها
- انزل هتلاقي خيار اسمه " التحديثات التلقائية للنظام " Automatic Sys Updates
- الغي تفعيل الخيار دا والان تم ايقاف تحديثات الاندرويد ..
