الرد على رسائل الواتساب بدون الظهور اونلاين فى اندوريد وايفون.
-طريقة الرد على اي رسالة تصلك على الواتس اب بدون الظهور اونلاين .. هنشرح فى مقال اليوم 3 طرق ممكن ترد بيهم على الرسايل من غير ما تظهر on line لا ي حد تاني.
تطبيق واتساب يعتبر حالياً اشهر تطبيق شات او مراسلة .. فالتطبيق بيفضله مستخدمين كثير على تطبيقات مشابهة او بتحمل نفس الافكار .. ورغم ان فى شركات كثير حاولت تنزل برامج مشابهه لواتس اب ولكن التطبيق ظل فى ارتفاع ملحوظ من ناحيه المستخدمين ومن اهم مميزاته انو بسيط جداً فى الاستخدام .. وان مستوي الامان عليه اعلي شويا فى الشات وتشفير الرسايل من الجانبين.
طريقة الرد علي رسائل الواتساب بدون الظهور اونلاين:
- الرد من الاشعارات.
- تفعيل وضع الطائرة والرد.
- استخدام تطبيق Unseen.
اولاً:الرد من الاشعارات على رسائل الواتساب.
لما بتوصلك رسالة من الواتساب فى الاشعارات .. تقدر تعمل رد على الرسالة بدون ما تفتح التطبيق .. في اشعار الرسالة هتلاقي رد او Reply لو ضغطت لن يفتح التطبيق.
ولكن هتقدر تكتب رسالة وترد ..
الطريقة دي بتبعت الرسالة من غير ما تكون اونلاين.
لو جايلك رسائل من اكثر من شخص بيكون في سهم على كل شات .. لو ضغطت على السهم دا بيظهر تفاصيل الرسالة وبتلاقي امكانية الرد من الاشعارات.
ثانياً:تفعيل وضع الطيران والرد.
تقدر ترد على رسايل الواتساب بعد ما تفعل وضع الطيران .. ثم اخرج من التطبيق وشغل الانترنت والغي وطع الطيران .. هيتم ارسال الرسالة بدون ما تظهر اونلاين لاي صديق عندك.
ثالثاً:استخدام تطبيق Unseen.
تطبيق Unseen مجاني ومتاح على متجر جوجل بلاي .. فكرة التطبيق انك تقدر تشوف الرسايل اللى بتوصلك من غير ما تفتح التطبيقات .. وبيتيح لك ثواني كدا تقدر ترد فيها على الرسالة ولكن لو طولت هتظهر اونلاين فخلي الموضوع سريع.
التطبيق حاصل على تقييم 4.3/5 وعدد تحميلات اكثر من 10 مليون مرة.
تقدر تحمله من هنا .
دول كانو 3 طرق تقدر ترد بيهم على رسائل الواتساب من دون الظهور.
راجع قسم الواتساب لمزيد من الشروحات.
تابع المدونه من اليسار .
تابعنا علي فيسبوك وتويتر
دمتم بخير ♥
