طريقة مسح وحذف جميع ملفاتك والصور من الموبايل بدون استرجاع..مسح ذاكرة التخزين للهاتف نهائياً ومنع استعادتها.
-ازاي تمنع استعادة ملفاتك وصورك من على الموبايل بعد ما تعمل ليه فورمات ... فمثلاً لو عايز تبيع الموبايل بتاعك اكيد مش عايز اي ملفات او حاجه تخصك تكون قابلة للاستعادة او الاسترداد .. ومحتاج انك تمسح اكرة الموبايل دا مسح نهائى كأنو موبايل جديد تماماً.
هنتكلم فى مقال اليوم افضل الطرق اللى من خلالها تقدر تمسح بيانات ذاكرة الموبايل بتاعك بدون القلق من امكانية عودة اي ملفات او صور او فيديوهات بعد المسح و الفورمات..
الطريقة الصحيحة لمسح ملفاتك وصورك ومنع استعادتها من علي موبايلك.
من اشهر الطرق اللى بتستخدم فى منع استعاده اي اجزاء من ذاكرة التخزين هوا اعادة الكتابة علي الذاكرة Overwrite .. في برامج متاحة بتقدر تسترجع جزء من ملفات الموبايل بعد الفورمات ولكن لو عملت اعادة كتابة للذاكرة مثلا اكثر من مرة بيقل نسبة استرجاع ملفاتك لحد ما تتلاشي نهائياً.
بعد ما تعمل فورمات لموبايلك وتقوم بمسح كل البيانات اللى موجوده على الموبايل من صور وملفات وفيديوهات .. افتح الموبايل وابدأ استخدم الذاكرة واملي الذاكرة كلها مرة آخري .. ممكن مثلا تنقل ملفات او فيديوهات حجمها كبير ..
او افتح الكاميرة علي اعلي جودة وسيب الموبايل يسجل اي شيء موجود عادي لحد ما الذاكرة تنفذ خاالص وبعدين اعمل فورمات للموبايل .. وممكن تكرر الخطوة دي كمان مرة .
بالطريقة دي تم اعادة الكتابة على ذاكرة التخزين الخاصة بيك بملفات كبيرة الحجم اللى بتكون اصعب بكثير فى استعادتها بعد الفورمات واصلا الملفات ليس لها اهمية .. الملفات قليلة الحجم زي الصور والفيديوهات القصيرة بتكون اسهل فى الاستعادة ولكن الفكرة مش في كدا ...
الفكرة بعد اعادة الكتابة اكثر من مرة على ذاكرة التحزين اصبح ملفاتك فى طي النسيان وشبه مستحيل استعادتها من ثاني .. والملفات الاقرب اللى اتحطت على الذاكرة هيا اللى ممكن يتم استعادتها .. والطريقة دي مجربة كثير و موثوقة . ✅
في طرق آخري لمنع استعادة اي ملفات انت مسحتها من علي موبايلك.
زي مثلا انك تعمل تشفير للملفات الموجوده على موبايلك برمز معين .. بعدين تعمل فورمات للموبايل ولكن امكانية تشفير الملفات ممكن متلقيهاش في موبايلك فانا حبيت ارشح ليك الطريقه الاسهل واللي مش محتاجه منك اي مجهود .. وفي نفس الوقت مضمونة وهتديك النتيجة المطلوبة.
متنساش تتابعنا علي فيسبوك وتويتر
دمتم بخير ♥
