- فى مقال جديد فى قسم الكمبيوتر على متطور.. هنتكلم النهاردة على مشكلة ممكن تقابلك على الويندوز .. لما بتيجي تفتح بعض المواقع بيظهر ليك تحذير بيقولك ان " الاتصال بهذا الموقع ليس خاصاً" او Your Connection is Not Private ..هنتكلم عن بعض الاسباب وبعض الحلول لظهور الرسالة دي سواء على متصفح جوجل كروم .. او اوبرا .. او حتى متصفح سبارك ...
اسباب مشكلة هذا الاتصال ليس خاصاً على جوجل كروم.
- الوقت والتاريخ ليس صحيح.
- ملفات الذاكرة المؤقتة.
- برنامج الفيروسات.
- استخدام DNS يسبب مشاكل.
حلول مشكلة Your Connection is Not Private.
الحل الاول: تأكد من الوقت والتاريخ واتأكد ان الوقت والتاريخ صحيحين وتمام لان لو عندك مشكله فى الوقت او التاريخ بيوم مختلف مثلا .. دا هيسبب ليك مشاكل كثير سواء فى فتح المواقع او فى شكل المواقع لما تظهر ..
الحل الثاني: جرب تمسح ملفات الكاش والذاكرة المؤقته للمتصفح اللى شغال عليه سواء اياً كان نوعه .. ادخل الي الاعدادات >> ادوات آخري >> تنظيف بيانات التصفح.
- Chrome Settings > More Tools > Clear Browsing Data
- او اضغط على Ctrl+Shift+Del ..
- قبل ما تمسح جرب تفتح وضع التصفح الخفي عن طريق Ctrl+Shift+N وافتح الموقع لو اشتغل يبقا المشكله مشكله كاش وامسحه زي ما شرحنا فى الاول..
الحل الثالث: اقفل برنامح الفيروسات الخاص بيك مؤقتاً .. عن طريق الايقونه بتاعت البرنامج اللى ظاهرة فى شريط المهام اضغط عليها كلك يمين واختار تعطيل او Disable لفتره معينه ولتكن نص ساعه واختار تعديل جميع الدروع لو طلب منك تحدد ، جرب تفتح الموقع مرة آخري بعد تعطيل برنامج الانتي فايرس وشوف هل المشكله تم حلها او لا..
الحل الرابع: ممكن تكون بتستخدم Dns مسبب مشاكل ولو انت متعرفش اي هوا DNS ومستخدمتش اي حاجه من دي يبقا تمام المشكله مش من هنا بس جرب مثلا تغير الـ Dns وتستخدم الخاص بجوجل.
الحل الخامس: حمل متصفح آخر وهو الفايرفوكس .. المشكله دي مش هتظهر معاك فى الغالب فى متصفح الفايرفوكس .. وبتظهر على المتصفحات الآخري فممكن تستخدم متصفح الفايرفوكس بدل من جوجل كروم او اوبرا...
الحل السادس: لما تظهر ليك الرسالة اللى فوق بتقولك ان هذا الاتصال ليس خاصاً .. هتلاقي فى خيار تحت كدا اسمو "اعدادات متقدمة" اضغط عليه واختار انك تكمل عادي والموقع هيشتغل معاك عادي ..
وكدا وصلنا لنهايه المقال ، اترك تعليق باي مشكله عندك ومتترددش ، تابعنا على فيسبوك وتويتر شاهد مواضيع اكثر عبر زيارة قسم الكمبيوتر ، دمتم بخير ♥
