حل مشكلة فشل الحصول على عنوان IP بالاندوريد:
- اعادة تشغيل خدمات جوجل بلاي.
- نسيان الشبكة واعاده الاتصال بها.
- استخدام IP ثابت.
- اعاده تشغيل الراوتر.
- اعاده تسيمة الموبايل.
- اعاده ضبط المصنع.
مشكلة جاري الحصول على عنوان IP و خدمات جوجل.
خدمات جوجل بلاي بيتم استخدامها على موبايلك فى كثير من الوظائف .. فعشان كدا اول حاجه تجرب تعملها انك تعمل اعاده تشغيل لـ google play services.
- افتح الاعدادات >> التطبيقات
- اكتب فى البحث google play services .
- اضغط على التطبيق عند ظهوره فى البحث واختار ايقاف اجباري ومسح الذاكرة المؤقتة Clear Cache.
نسيان الشبكة من اجل الحصول على IP جديد.
ممكن حل مشكلة الحصول على عنوان اي بي فى الاندوريد عن طريق اعاده الاتصال بشبكة الواي فاي..اضغط على خيارات جانب اسم شبكة الواي فاي واختار نسيان الشبكة او Forget Network ... انتظر ثواني قبل الاتصال مجدداً
اضغط على شبكة الواي فاي و اكتب الرقم السري وجرب الاتصال مرة آخري.
الحصول على عنوان اي بي ثابت.
ممكن تستخدم اي بي ثابت و تتجنب عمليه الحصول على عنوان اي بي تلقائي .. ودا عن طريق انك تضغط على اعدادات جانب اسم الشبكة وفى خانه الاي بي اختارثابت او Static ..
- هيظهر ليك اربع خانات ..
- اكتب فى الاولي الاي بي الخاص بك كمثال 192.168.1.100
- راجع المقال التالي " طريقه تغيير الاي بي على الموبايل"
اعادة تشغيل الراوتر لسحب IP جديد.
مشكلة الحصول على اي بي تلقائي احياناً بتبقا مشكلة فى الراوتر فمثلا ممكن الراوتر بتاعك معلق او فيه مشكلة.. جرب تعمل اعاده تشغيل للراوتر عن طريق صفحه الاعدادات 192.168.1.1 او عن طريق زر الباور الموجود فى الراوتر نفسه ..
انتظر بعض الدقائق قبل ما تفتح الراوتر مرة آخري .. ويستحسن انك كل فترة تقفل الراوتر شويا كنوع من الراحه.
حل مشكلة الحصول على IP بتسمية الهاتف.
اعاده تسمية الموبايل احياناً بتنجح فى حل مشكلة الحصول على عنوان اي بي وفشلها.. مستخدمين كثير جربوا الطريقة دي وتم حل المشكله معاهم وعلشان تقدر تغير اسم الموبايل الخاص بيك بسهولة.
- افتح الاعدادات و انتقل الى عن الهاتف.
- فى خانه اسم الهاتف اضغط عليها
- اكتب اي اسم تفضله واضغط على حفظ.
اعادة ضبط المصنع لحل مشكلة فشل IP.
لو فشلت كل المحاولات السابقة فى حل مشكلة فشل الحصول على عنوان الاي بي على موبايلك الاندوريد .. فتقدر تجرب آخر حل وهو عمل اعاده ضبط مصنع للموبايل بتاعك وخلي بالك انك هتفقد كل التطبيقات الموجوده على الموبايل وكمان الصور والملفات لو انت اخترت دا..
فخد نسخه احتياطية من الملفات والحاجات المهمه اللى على الموبايل قبل ما تعمل اعاده ضبط مصنع ، افتح الاعدادات واختار النظام وبعدين اعدادات متقدمة ثم اعاده ضبط المصنع او استخدم البحث الموجود فى الاعدادات واكتب اعاده الضبط.
🔔شاهد مواضيع قد تعجبك:
• نقل البيانات من اندرويد الى ايفون
• عرض شاشة الجوال على التلفاز لاسلكي
• كيفية تصوير شاشة الجوال فيديو بدون برامج
• طريقة اظهار جميع مواصفات الهاتف الداخلية
نصل لنهاية الموضوع بعد حل مشكلة فشل جاري الحصول على عنوان اي بي ، إذا كان لديك سؤال او استفسار لا تترد في كتابة تعليق وسأقوم بالرد عليك فوراً ، تابعنا على فيس بوك و تويتر ليصلك الجديد ، شاهد مواضيع اكثر عبر زيارة قسم الاندرويد أو الصفحة الرئيسية.
