- جوجل كروم يعد من اكثر المتصفحات استخداماً حالياً.. سواء على الكمبيوتر او على الموبايلات بسبب سلالسة استخدامه .. واحتوائه على الكثير من المميزات و واحده من الممميزات دي هيا متجر جوجل كروم الرائع للاضافات المختلفه اللى ممكن تساعدك .. في تنفيذ الكثير من الامور المهمة ليك.
الاضافات عبارة عن اداة مثل برنامج كدا ولكن بفكرة اصغر .. لا يتم تثبيتها على الويندوز او الكمبيوتر الخاص بك ولكن يتم تثبيتها داخلياً على المتصفح الخاص بك مثل الجوجل كروم الذي يمتلك متجر كامل ملىء بالاضافات متعدده الاستخدام والمجالات.. المتصفحات الآخري ايضاً تمتلك متاجر للاضافات ولكن جوجل كروم احياناً ستجده متفوق فى هذه النقطه بسبب وجود الكثير من الاضافات عليه ولا تتوفر على اي متصفح آخر.
افضل 10 اضافات جوجل كروم لا غني عنهم.
- Full Page Screen Capture.
- Last Pass.
- Emoji Keyboard.
- AdBlock.
- The Great Suspender.
- Toby for Chrome.
- Grammarly for Chrome.
- Google Translate.
- eyeCare - Protect your vision.
- Video Downloader professional.
الاضافات متعدده المجالات و ليست متشابهة هتلاقي فيها كل اللى انت عايزه سواء تحميل فديوهات او منع اعلانات او ترجمه .. ويلا بينا نشرح كل اضافه وبتعمل اي بالظبط.
Full Page Screen Capture.
-Last Pass.
بتفتح كام موقع خلال اسبوع مثلا وانت بتتصفح الانترنت وبتكون محتاج تسجل دخول على المواقع دي عن طريق انك تملي بياناتك كاملة .. من خلال الاضافة دي تقدر تحفظ حساباتك ومعلوماتك عليها وبيظهر ليك فى المواقع عند التسجيل نافذه تقدر من خلالها تملي جميع البيانات الخاصه بالتسجيل.
الاداة تعتبر محمية كمستخدم عادي مفيش عليك خطورة ومش مستهدف .. وكمان الاداه ليها تطبيق على الموبايل تقدر تستخدمها بسهولة ، اضافة كتابة معلومات التسجيل لكروم.
-Emoji Keyboard.
هل تقدر تستغني عن الايموجي وانت بتكتب على الموبايل ؟ او بتعمل شات .. الاجابة فى الغالب اننا جميعا بنستخدم الايموجي واحنا بنكتب على الموبايل .. بس دا عكس اللى بيحصل على الكمبيوتر مثلا لو بتكتب على برنامج مش موفر ليك قائمه الايموجي بسهولة .. فبتلجأ لحل واحد من حلين ..
الحل الاول انك تكون حافظ الرموز الخاصه بالتعبيرات ودا شىء مش كل المستخدمين بتعملوه وكمان صداع يعني اكيد في طريقه اسهل .. الحل الثاني انك لو بتستخدم ويندوز 10 تقدر تفتح نافه الايموجي عن طريق زر علامه الويندوز + نقطه 😎 وبرضوا كثير من مستخدمين ويندوز 10 ميعرفوش النقطه دي.
هنا بقا بتنزل اضافة على المتصفح الخاص بيك لما بتظهرلك فوق كدا جنب الاضافات ولما بتضغط عليها بتفتح ليك نافه فيها جميع الايموجي اللى بتستخدمها .
-AdBlock.
اضافة مهمه جداً لتصفح الانترنت .. وبما اني بقدملك الاضافة دي وانت فاتح موقع متطور اللى هيكون مصدر ربحه من الاعلانات اكيد جا سؤال فى عقلك حالا .. اللى هوا ازاي ؟ .. بكل بساطة الاداة دي انا بتسخدمها مع المواقع المزعجه ايوة المزعجه .. استخدام الاعلانات فى المواقع مش دايماً بيكون مزعج .. فى مواقع كثير جداً بتحط اعلانات من غير ما تاخد بالك او بمعني اصح من غير ما تضايق لكن موضوع انك كل ضغطه باعلان ومش عارف توصل للمحتوي اللى انت داخل علشانه .. دا غير انها اصلا بتكون اعلانات مضره.. فدا شيء بيسبب ازعاج كبير وطبعا كل شخص حر فى موقعه الالكتروني ونحترم جميع الاراء.🙂
تعلم كيف تستعيد الملفات المحذوفة نهائياً على ويندوز بدون برامج عبر الموضوع التالي "استعادة الملفات المحذوفة بدون برامج"
-The Great Suspender.
اضافة ممتازة جداً هتوفر عليك كثير جداً وعلى جهازك .. اي الفكرة ؟ طبعاً كلنا خلال التصفح ممكن نفتح عدد كبير جداً من النوافذ او التابات .. ودا على جوجل كروم ممكن يسببلك بطىء رهيب فى الاستخدام وثقل للجهاز وهسيبب ان جوجل كروم هيستهلك كثير من المواد الخاصه بالكمبيوتر بتاعك.
من خلال الاضافه دي تقدر ان بعد فتره 10 دقائق مثلا من فتح التاب وانت مش بتستخدمه حالياً .. الاضافة هتحول التاب لصفحه خفيفه كدا لحد ما ترجع للتابات دي ثاني اضغط فى اي مكان هيرجع التاب يظهر ... ودا هيساعدك فى تسريع جوجل كروم جداً وتقليل استهلاكه للرام الخاصه بيك ، اضافة The Great Suspender لجوجل كروم.
-Toby for Chrome.
تقدر من خلال الاداة الرائعه دي عمل ادارة للتابات الخاصه بيك او النوافذه اللى بتفتحها باستمرار .. فبمجرد تثبيت الاضافة هتتغير الصفحه اللى بتظهرلك لما تفتح نافذه جديده بصفحه خاصه لاضافة Tobby .. تقدر بقا فى الصفحه دي تعمل مجموعات من المواقع المفضله ليك فمثلاً تعمل مجموعه خاصه بالمواقع التقنية وتحط فيها رابط متطور اكيد .. ومجموعه لمواقع الاخبار مثلاً وهكذا .. الاداة صراحه رائعه جداً جداً ، اضافة Tobby لتنظيم التابات على جوجل كروم.
يمكنك تسريع فتح جميع البرامج والتطبيقات على الكمبيوتر عبر اتباع النصائح التالية " تسريع فتح البرامج ويندوز "
-Grammarly for Chrome.
الاضافة مهمة جداً فى تصحيح اخطاء الجرامر وانت بتكتب على جوجل كروم على اي موقع .. فمثلاً لو بتكتب ايميل رسمي او حتي بتتكلم على اي موقع تقدر تستخدمها فى انك تطلع جمل خالية من اي اخطاء فى القواعد الخاصه باللغه..ايضاً يوجد منها اصدار مدفوع ممكن من خلاله التدقيق فى سطور كثيرة وليس جمل فقط ، اضافة جرامرلي لجوجل كروم.
-Google Translate.
اضافة مهمة لمستخدمين جوجل كروم .. عن طريقها تقدر تتصفح مواقع بلغات آخري وتستخدم اداة الترجمه الخاصه بجوجل فى ترجمه صفحه الويب كامله .. اكيد الترجمه مش كلها صح 100% ولكن هتساعدك كثير وزي ما قولت فهي اضافة مهمة لكثير من الناس ، اضافة الترجمه لجوجل كروم.
-eyeCare - Protect your vision.
الاضافة دي مهمة جداً لو انت من النوع اللى بيقعد على الكمبيوتر بالساعات .. او شغلك كلو على الشاشات الخاصه بالكمبيوتر .. بتساعدك تحافظ على نظرك عن طريق اخذ فاصل كل فتره مثلا 20 دقيقه ولو لثواني بانك تبص لحاجه غير شاشة الكمبيوتر الخاص بك. ودي القاعده اللي هتظهرلك فى الصورة 20-20. بمعني كل 20 دقيقه تاخد 20 ثانية بريك تبص لحاجه ثانيه غير الكمبيوتر.
تأكد من سلامة جهازك في درجات الحرارة العالية عبر متابعة درجة الحرارة بدقة عالية بمساعدة الموضوع التالي " قياس درجة حرارة الكمبيوتر و اللاب"
تقدر تظبط اسم التنبيه وكمان صوت الاشعار من خلال الاضافة بسهولة وانصحك تستخدمها لو انت بتحب تقعد على الكمبيوتر كثير للحفاظ على نظرك ، اضافة الحفاظ على نظرك جوجل كروم.
-Video Downloader professional.
مينفعش اكلم عن اضافات من غير ما اذكر فى الاخر اضافة لتحميل الفيدويهات على جوجل كروم .. ودا لانها اضافة مهمة لكثير من المستخدمين والاضافة دي ممتازة وبيستخدمها اكثر من 3 مليون مستخدم لجوجل كروم..تقدر تحمل الفيديوهات اللى بتشوفها من اي موقع بتتصفحه على جوجل كروم ، اضافة تحميل الفيديوهات بجودات مختلفة لجوجل كروم.
تقدر تختار الاضافات اللى عجبتك وتثبتها على جوجل كروم .. الاضافات متنوعه وبتغطي احتياجات واذواق كثيرة ، تابعنا على فيسبوك وتويتر ، دمتم بخير♥.
