- هل قمت بشراء هارد خارجي جديد لاستخدامه فى تخزين البيانات المهمه ليك ولشغلك ؟ .. ولكن عند توصيله بالكمبيوتر لايظهر ضمن الاقراص المتواجده على الكمبيوتر الخاص بك .. سواء كان الهارد جديد ام قديم ممكن تحصل معاك المشكلة دي وهيا عدم تعرف الكمبيوتر على الهارد وبتكون النتيجه ان الهارد شغال ولكن لا يوجد اي استجابه للكمبيوتر عند توصيل الهارد به.
قد تكون المشكله ليست فى الهارد نفسه ولكن فى الكمبيوتر اللى بتوصل بيه الهارد الخارجي SSd او HDD.. هنقوم بطرح 4 حلول مختلفه لمشاكل الهارد الخارجي منها حلول عن طريق Disk Management..هنذكر الحلول اجمالاً ثم شرح كل حل وطريقه تنفيذه بالتفصيل.
حلول الهارد الخارجي لا يعمل أو لا يظهر.
- تغيير كابل USB والمدخل .
- التأكد من القرص الصلب في Disk Management.
- اصلاح التعريفات الخاصه بالهارد.
- عمل فورمات للهارد من Disk Management.
والان لنبدأ خطوة خطوة مع الحلول المتاحة والشرح مصور.
-التأكد من كابل USB وتغيير المدخل.
اول حاجه لازم تتاكد منها وتعملها بعد ما تلاقي ان الويندوز مش بيقرأ الهارد الخارجي .. هيا المدخل والوصله الخاصه بالهارد فاوقات كثير بيتكون الوصله مش مناسبه او فيها عطل فجرب مثلاً تغير الوصله الخاصه بالهارد بوصلة آخري .. ولكن لو متأكد ان الوصله تمام وشغاله جرب تغير مدخل USB اللى بتوصل الهارد من خلاله ..
الكمبيوتر بيحتوي على اكثر من مدخل يو اس بي فبدل بين المداخل فى عمليه توصيل الهارد.
-التأكد من الهارد الخارجي في Disk Management .
فى حالة الهارد الخارجي الجديد فقد يظهر مساحة الهارد فى ادارة القرص الصلب الخاص بك ولكن تكون عبارة عن مساحه غير مستخدمه ولاستخدام هذه المساحه يجب عمل بارتشن لها .. ويمكن التأكد على الويندوز من خلال:
- اضغط على زر علامة الويندوز+ X .
- اختار من القائمة اللى هتظهر فى الجانب Disk management.
- هتفتح ليك نافذه Disk Management.
- الان الهارد الخارجي الخاص بك سيظهر فى خانة "Removable".
- اذا كان عبارة عن Uncollected Space.
- اضغط عليه كلك يمكن واختار New Simple Volume.
- هتظهر ليك نافذه لاختيار حرف خاص بالبارتشن اختار اي حرف واضغط موافق.
- دلوقتي اتاكد هل البارتشن ظهر فى الكمبيوتر او لا .
- اذا لم يظهر بعد فممكن المشكلة بسبب انو شغال بنظام مختلف NTFS و FAT32.
- عشان تقدر تغير النظام دا اعمل فورمات من داخل اداة ادارة الهارد.
المشكلة دي بتكون فى الغالب مع الهاردات الجديدة.
-اصلاح التعريفات الخاصه بالهارد.
اذا كان الهارد الخارجي بيظهر على كمبيوتر آخر ولكن الكمبيوتر الخاص بك لا يظهر ابداً فقد تكون المشكله فى التعريفات على الكمبيوتر بتاعك وعلشان تتأكد من الموضوع دا اتبع الخطوات التالية :
- اضغط على زر علامة الويندوز + X.
- اختار من القائمه الجانبية اللى هتظهر Device Manager.
- بداخل النافذه انتقل الى تعريفات الهارد Disk Drives.
- هيظهر ليك كل الاقراص المتوصلة بالكمبيوتر الخاص بك.
- اتأكد من عدم وجود اي علامات تعجب بجانب التعريفات .
- ايضاً ممكن تعمل تحديث للتعريفات .
- اضغط على الهارد كلك يمين واختار Update Drive.
- واختار Update Automatically.
-عمل فورمات للهارد من Disk Management.
اخر حل لمشكلة اختفاء الهارد الخارجي من على الكمبيوتر.. هي عمل فورمات للهارد وخلي بالك من نظام الملفات اللى بتختاره اثناء الفورمات سواء NTFS او FAT32 ... عشان ميحصلش اي مشاكل آخري فى ظهور الهارد.
- عن طريق Disk management .
- اضغط كلك يمين على الهارد الخارجي.
- اختار تهيئة Format.
- اختار ما بين FAT32 او NTFS.
- اضغط على موافق OK.
ملحوظة:قد يظهر الهارد الخارجي فى اداة ادارة القرص ولكن ليس كمساحة غير مستخدمه .. فى هذه الحالة اضغط كلك يمين عليه واختار Initialize-Disk .
واختار نظام الهارد وسيظهر الهارد عبارة عن مساحه غير مستخدمه اعمل بارتشن جديد للهارد الخارجي بنفس طريقه الحل الثاني .. وتأكد هل ظهر الهارد الخارجي ام لا.
"في اغلب هذه الطرق اي بيانات موجوده على الهارد سيتم مسحها".
وصلنا الى نهاية الموضوع بعد توضيح حلول مشكلة الهارد الخارجي لا يظهر بعد توصيله بالكمبيوتر ، قم بزيارة قسم الكمبيوتر لتشاهد المزيد من المواضيع الحصرية والتي ستنال اعجابك ، تابعنا على فيس بوك و تويتر لنكن على اتصال دوماً ، دمتم بخير ♥.
