شرح طريقة مشاركة الملفات والصور والفيديوهات بين جهازين لابتوب او كمبيوتر ويندوز 10 او ويندوز 7-8 , عن طريق استخدام كابل Lan وبدون اي متطلبات آخري ..نقل الملفات الكبيرة عن طريق الواي فاي بيحتاج وقت كبير جداً وكمان داتا اكثر .. وما زال لحد الان نقل الملفات الكبيرة غير فعال عن طريق الانترنت.
ودايماً بنلجأ لطرق افضل عند نقل ملفات كثير واحجمها كبيرة من الطرق اللى بنلجأ ليها هيا توصيل جهازين ببعض عن طريق كابل صغير "نت " .. وكابل النت الجيد ممكن يديك سرعه نقل عالة جداً قد تصل الى 1000 Mbps, ودا مقارنة بالفلاشه 2.05 اللى بتنقل بسرعه تصل الي 480 Mbps فدايماً اختيار الطريقه دي لنقل الملفات الكبيرة فعال بشكل كبير.
فالميزة الاساسية فى استخدام كابل الانترنت فى نقل الملفات هيا السرعه اللى بيوفرها واللى بتتجاوز سرعه الفلاشه وكمان سرعه الواي فاي حالياً .. فاذا كان عندك ملفات حجمها كبير فافضل طريقه لنقلها بسرعه هيا استخدام كابل انترنت.. سواء ويندوز 11 و 10 او 7-8.
مشاركة الملفات بين جهازين عن طريق كابل الانترنت
- الخطوة الاولي هيا توصيل الجهازين ببعض عن طريق كابل النت , ولا يوجد فرق بين كمبيوتر حديث وكمبيوتر قديم فالاثنين هيكون فيهم نفس مدخل الانترنت وكل اللي عليك تعمله هوا توصيل الجهازين ببعض عن طريق Lan Cable.
- تفعيل مشاركة الملفات عبر الشبكة فى الجهازين Network Sharing , عشان تقدر تشوف الجهازين متصلين ببعض وتنقل الملفات ما بينهم بسهولة , ادخل الى Control Panel .
ثم اختار Network and Sharing Center.
الان اختار من الجانب Change advanced sharing settings.
هنا هيظهرلك 3 انواع من الشبكات و انتقل الى القسم الخاص بكل الشبكات او All Networks.
وهتعمل خطوتين الاولي انك تشغل المشاركة لاي شخص متواجد على الشبكة
الثانية هيا انك تقفل الباسورد على الملفات الموجوده على الشبكة
- الخطوة الثالثة هيا عمل اي بي ثابت للجهازين اللى هيتم نقل الملفات بينهم , ولتغيير الاي بي الخاص بالكمبيوتر بعد ما تفتح Network And Sharing center , هيظهرلك الاتصال الموجود على الكمبيوتر حالياً وهوا عن طريق الكابل اضغط عليه كما هو موضح فى الصورة التالية,وهنبدأ نغير الاي بي للكمبيوتر رقم 1.
بعد الضغط على Porperties هيظهر ليك نافذه انتقل الى Internet Protocol Version 4.. واضغط على اعدادات.
اكتب عنوان الاي بي كالتالى للكمبيوتر الاول او كما هوا موضح فى الصورة.
- IP Address: 192.168.1.1
- Subnet mask: 225.225.225.0
- Default gateway: 192.168.1.2
ممكن بالتأكيد تغير عنوان الاي بي زي ما تحب , والان هننتقل لعمل نفس الخطوات للكمبيوتر التاني ولكن اعكس الاي بي والGetway فهيكون كالتالي.
- IP Address: 192.168.1.2
- Subnet mask: 225.225.225.0
- Default gateway: 192.168.1.1
الان لو فتحت This Pc وانتقلت الى Network هتلاقي الجهازين موجودين فى الشبكة
- الخطوة الاخيرة وهيا مشاركة الملفات بين الجهازين ,ممكن تشارك ملف معين موجود عندك على الكمبيوتر وتظهره للشبكه عن طريق الضغط على كلك يمين علي الفولد واختار Proprietes.
اختار تبويب sharing ثم اضغط على share.
الان تأكد من اختيار الجميع everyone ثم اضغط المشاركة Share.
تم الان مشاركة الفولدر مع الشبكة والمسار الخاص به هوا
\\DESKTOP-41HDKI3\Users\moazt\Desktop\assignment
يمكن كتابة هذا المسار فى نافذه Run
او بكل بساطة اذهب الى الشبكة وافتح الكمبيوتر الخاص بك وستجد الملف تم مشاركته وظاهر.
ولكن الطريقه الافضل لمشاركه الملفات مع الشبكه هي عمل فولدر "مجلد" جديد على سطح المكتب او فى اي مكان و سمي الملف باي اسم .. وشارك الملف دا واي ملفات عايز تشاركها مع الشبكه فقط انقلها الى المجلد الخاص بالشبكه.
وكدا يكون شرحنا انتهي .. بعد توضيح طريقة توصيل جهازين بكابل الانترنت و نقل الملفات بينهم بسهولة ، قم بزيارة قسم الكمبيوتر و شاهد مواضيع حصرية مجاناً ، تابعنا على فيس بوك و تويتر ليصلك الجديد ♥.
