-احياناً قد تتوقف شاشة الكمبيوتر الخاصه بيك عن العمل .. ولا يظهر اي معلومات عليها فما هي الطريقه لاختبار الشاشة هل يوجد بها عطل ولا العطل فى شىء ثاني زي مثلا الكمبيوتر نفسه ؟ .. لعمل اختبار للشاشة هنحتاج كابل مسئول عن توصيل الكهربا تتأكد انو شغال .. وايضاً كابل آخر الخاص بنقل المعلومات من الكيسة وتتأكد ايضاً انو شغال.. ايضاً قد تحتاج الى شاشة آخري اذ امكن.
طريقة عمل فحص واختبار لشاشة الكمبيوتر التى لاتعمل ؟
ممكن تتبع الخطوات التالية للتأكد هل الشاشة بها مشكلة ام لا.
- تأكد من لون زر الباور فعادة يكون لون زر الباور برتقالي لما يكون زر الباور مقفول .. وبيتحول للازرق او الاخضر عند فتح الشاشة فقد تكون المشكله فى زر الباور فتأكد اول حاجه ان زر الباور يعمل بدون اي مشاكل.
عدم اضاءة زر الباور تعني وجود مشكلة فى وصول الكهرباء الى الشاشة
- اذا كان زر الباور لا يعمل فتأكد من كابل الكهرباء وعشان كدا قولتلك لازم تكون متأكد ان الكابل اللى هتستخدمه شغال ومفيش فيه اي مشكلة.
- الكابل الخاص بنقل المعلومات من الكيسة اتأكد انو متوصل كويس وايضاً اتأكد ان الكابل نفسه مفيش فيه اي مشكلة والمفروض يظهر على الشاشة كلمة Check Signal Cable .. اذا كانت الشاشة تعمل ولكن كابل المعلومات فيه مشكلة.
- جرب ازالة الكابل من الكيسة واعاده تركيبه مرة آخري فى حالة وجود مشكلة مع كابل نقل المعلومات او استبداله بواحد آخر.
- قد تكون الشاشة تعمل ولكن المشكلة فى اضاءة الشاشة .. احياناً بتكون الاضاءة ضعيفة جداً لدرجه عدم الروؤيه فتقدر تعلي الاضاءة الخاصه بالشاشة من ازرار التحكم الموجوده بجانب زر الباور وتأكد ان الاضاءة جيدة.
- قد تكون المشكلة فى الكمبيوتر نفسه وليس فى الشاشة .. جرب ازالة كابل البيانات او المعلومات من الكيسه "Cpu " سيظهر على الشاشة No Signal.. جرب الشاشة على كمبيوتر آخر اذا اشتغلت يبقا المشكلة فى الكمبيوتر وليس فى الشاشة .
- فى النهاية اهم نقظة هي التأكد من الكابلات واذا كانت المشكلة فى الكمبيوتر وليست فى الشاشة فجرب مسح الرامات.
فى حالة توصيل اكثر من شاشة بالكمبيوتر جرب فصل جميع الشاشات وتشغيل الشاشة التى لا تعمل وعمل لها اختبار لوحدها .. وفي حالة استخدام اي محولات لكابل البيانات فمثلاً مدخل الكمبيوتر الخاص بك مختلف عن كابل البيانات وقمت باستخدام محول للمدخل تأكد ان المشكلة ليست فى هذه القطعه.
وفي بعض الاوقات عند توصيل شاشتين او اكثر بالكمبيوتر يتم زيادة مداخل الشاشات عن طريق مشترك او قطعه تقوم بزيادة عدد مداخل الشاشة .. اذا كنت تستخدم Spillter كهذا فتأكد انه يعمل بشكل جيد ولا يوجد به اي مشاكل.
اثناء الاختبار قم بعمل الخطوات بالترتيب عشان تقدر تعرف المشكلة فى الشاشة ولا الكمبيوتر ... بمعنى تأكد اولاً من ان الكهرباء تصل الى الشاشة .. انزع كابل البيانات وتأكد من وجود رسالة لا يوجد اشارة No signal علي الشاشة .. ثم اكمل خطوات تغيير الكابل الخاص بالبيانات او اعاده تركيبه مرة آخري واختبار شاشة آخري على نفس الكمبيوتر.
