- توقف الالعاب فى ويندوز 10 مشكلة موجوده عند الكثير من المستخدمين .. سواء مع الالعاب القديمه .. او حدوث اخطأ مع الالعاب الجديدة .. هنتكلم عموماً فى المقالة عن اسباب توقف الالعاب ومشاكلها فى ويندوز 10 .. فاستخدامك للكمبيوتر بنسبه كبيرة مش هيكون من غير العاب ووقت للمرح.. نسبة كبيرة من مستخدمي الكمبيوتر بيحبو يلعبوا العاب الفيديو على الكمبيوتر الخاص بيهم .. ولكن في مشاكل كثيرة بتظهر في تجربة الالعاب على ويندوز 10..
مشاكل الالعاب على ويندوز 10 :
- عدم تشغيل اللعبه على الويندوز .
- توقف لعب Steam عن العمل.
- الالعاب القديمة لا تعمل.
- توقف اللعبه اثناء اللعب.
- توقف اللعبه عند البداية.
- توقف اللعبه عشوائياً.
حلول مشاكل الالعاب على ويندوز 10 :
- تحديث تعريف كارت الشاشة.
- التأكد من برنامج الفيروسات.
- تحديث ويندوز 10.
- تجربة اللعبه فى وضع النافذة.
- التأكد من برنامج فيروسات الويندوز.
- استخدام اعدادات جرافيك اقل.
- تشغيل الالعاب كمسؤل.
-تحديث تعريف كارت الشاشة.
كارت الشاشة قطعه مهمه جداً فى الكمبيوتر الخاص بيك .. بالذات لو اتكلمنا عن الالعاب دايماً اتأكد من ان كارت الشاشة الخاص بيك محدث الى آخر اصدار لان دا بيديك سلالسة اكثر واداء افضل .
وعشان تقدر تحدث تعريف كارت الشاشة وتحصل على اداء افضل فى الالعاب .. ممكن تعمل كدا يدوياً او تنزل برنامج يحدث تلقائياً .. وشرحنا دا بالتفصيل ممكن تراجه مقالة " تحديث كارت الشاشة"
-التأكد من برنامج الفيروسات.
برنامج الفيروسات دايماً بيكون اختيار مهم جداً ليك لو انت بتحب تلعب العاب على الكمبيوتر .. وبالذات لو الالعاب دي اونلاين ففي بعض البرامج بتأثر على اداء الالعاب بشكل كبير جداً .. وعلشان تتأكد من ان برنامج الفيروسات الخاص بيك مش مأثر على الالعاب جرب تعطل البرنامج وتلعب.
-تحديث ويندوز 10 لاصلاح مشاكل الالعاب.
ويندوز 10 كل تحديث بيكون افضل واحسن من الاول .. لو انت بتستخدم اصدار قديم من الويندوز طبيعي ان يقابلك مشاكل مع الالعاب لا حصر لها دا غير انك هتفقد ميزات جديده فى ويندوز 10 .. زي ميزة وضع الالعاب فى ويندوز 10 اللى بيساعدك تحصل على احسن اداء من الكمبيوتر الخاص بيك فى تجربة الGaming.
- ادخل الي الاعدادات عن طريق قائمة ستارت او اضغط زر علامة الويندوز+I ..
- اختار Update & Secuirty .. واعمل Check For Update.
-تجربة اللعبه فى وضع النافذه Window Mode.
لو اللعبه بتعلق او بتقفل معاك ممكن تجرب تشغلها فى وضع النافذه عن طريق اعدادات اللعبه .. وبدل ما تختار Full Screen اختار Window Mode الخيار دا ممكن يحسن من سرعه اللعبه وايضا من اللاج اللي بيحصل فيها .. بس فى المقابل هتفقد تجربة اللعبه فى الشاشة الكاملة.
-التأكد من برنامج Windows Defender .
برنامج الحماية الخاص بالويندوز ممكن يسببلك مشاكل كثيرة مع تجربة الالعاب على ويندوز 10 .. ممكن تجرب تعطله او تقفل Real time Protection .. لو البرنامج بيسببلك اي مسح لملفات اللعبه.
- افتح الاعدادات واختار Update & Secuirty.
- اختار Windows Defender وبعدين Windows Defender Security Center..
- بعد م البرنامج يفتح اختار Virus & threat protection.
- تقدر تقفل حماية الفيروسات من هنا نهائي عن طريق اختيارMange setting.
- تقدر تقفل الانتي فايرس وكمان Real time Protection.
-استخدام اعدادات جرافيك اقل.
داخل الالعاب دايماً استخدام اعدادات تتماشي مع مواصفات وقدرات الكمبيوتر بتاعك .. كل لما تكون فاهم الجهاز اللى انت شغال عليه دا بيخليك تعرف تتعامل معاه وكمان تطلع منو احسن اداء .. فدايماً متستخدمش جرافيك اعلي من الكمبيوتر اللى انت بتلعب عليه بغرض انك تحصل على تجربة العاب احسن لان دا ممكن يدمر ليك تجربة الالعاب كلها اصلا.. فافتح اعدادات اللعبه وازبط اعدادات الجرافيك مع اعدادات تخلي اللعبه شغاله بسلالسة على الكمبيوتر.
-تشغيل الالعاب القديمة كمسؤل.
لو انت بتحاول تشغل بعض الالعاب وفي مشاكل انها مش بتشتغل جرب تضغط عليها كلك يمين ومن الخيارات اختار Run As Adminstartor.
دي كانت افضل الحلول لمشاكل الالعاب اللى ممكن تواجهك على ويندوز10..ومتنساش تفعل وضع الالعاب علي ويندوز 10 ، قم بزيارة قسم الكمبيوتر لمشاهدة المزيد من المواضيع ، تابعنا على فيس بوك و تويتر ليصلك المواضيع الجديدة ، دمتم بخير ♥.
