- ويندوز 10 حالياً يعتبر نظام التشغيل الاكثر استخداماً على الاجهزة باكثر من مليا جهاز .. وعمليه تنزيل وتثبيت الويندوز سهلة وبسيطه للغايه ولكن .. لو حصل معاك مشاكل وعايز تبدأ بداية جديدة على الويندوز بمعني ترجع الويندوز للاعدادات الاصلية وتمسح كل البرامج .. فتقدر تعمل Reset للونيدوز الخاص بيك.
تقدر تستبدل عمليه اعاده تثبيت نفس الويندوز بعمل اعاده ضبط للويندوز .. وهيرجع معاك كانك عامل ويندوز جديد بالظبط.. وانا شخصياً استخدمت الميزة دي اكثر من مرة فى ارجاع الويندوز الى بداية عهده وتقدر تختار ما بين مسح الملفات والبرامج او لا .. ولكن انا بفضل مسح البرامج وكل شىء على الونيدوز.. وارجاع الويندوز جديد كلياً لبداية تجربه جديده.
تقدر تثبت البرامج الخاصه بيك بعد تنظيف الويندوز وعمل اعاده ضبط مصنع .. واعاده ضبط المصنع بيتم عملها فى الاحالت اللى الكمبيوتر بيكون بطىء جداً وفي حاجه لويندوز جديد كلياً .. فلو هتنزل نفس النسخه الموجوده حالياً ولكن عايزها من البداية تقدر تستخدم الميزة دي فى الويندوز وهيا Reset This Pc
طريقه استعادة الضبط الاصلي لويندوز10.
- افتح قائمه ستارت واختار الاعدادات او Setting .. او تقدر تفتحها عن طريق الضغط على زر علامة الويندوز+ I .
- هتفتح ليك نافذه فيها الخيارات كلها اختار منها خيارات الامان والتحديث Update & Secuirty..
- من القائمة الجانبية اختار اعدادات الريفكري .. Recovery Settings.
- هتلاقي اول خيار Reset this Pc .. لما تضغط عليه هيطلب منك تختار هل يمسح كل شيء موجود على النظام ويرجع الاعدادات .. او يرجع الاعدادات فقط بدون مسح اي ملفات..
- بعد كدا الكمبيوتر هيعمل عمليه اعاده تشغيل وهيفتح بالاعدادات الاصلية للويندوز.
شرحنا طريقة ضبط اعدادات ويندوز 10 و استرجاع اعدادات المصنع للكمبيوتر ، قم بزيارة قسم الكمبيوتر لتشاهد مواضيع حصرية ستنال اعجابك ، تابعنا على فيسبوك وتويتر دمتم بخير ♥.
